Go to ...
RSS Feed

गीध के सराप से डाँगर ना मरअ सँ.


linegraph of corona spread in India

जहाँ सगरी दुनिया एह उहापोह में फँसल बा कि धंधा डुबाईं कि परिवार ओहि दुनिया में मोदी सरकार परिवार बचावे खातिर धंधा के लात मार दिहलन. आ एकर असरो लउकत बा.

भारत में 11 मार्च का दिन ले कोरोना के 56 केस मिल चुकल रहुवे. मरीजन के ई गिनिती ओकरा बाद हर दिने बढ़त चलि गइल. 12 मार्च के 62, 13 मार्च के 73, 14 मार्च के 82, 15 मार्च के 102, 16 मार्च के 113, 17 मार्च के 119, 18 मार्च के 142, 19 मार्च के 156, 20 मार्च के 194, आ 21 मार्च के ई गिनिती 244 ले चहुँप गइल.

ओकरा बाद पीएम मोदी एह बिपति से लड़े ला ऊ राहि चुनलन जवना पर चलला के सोचिए के बाकि देशन के पसीना छूटत रहुवे आ आजुवो ले छूटत बा. शनिचर का राति में पीएम मोदी देश के जनता से निहोरा कइलन कि अतवार काद दिने सभे 24 घंटा ला अपना अपना घरे में रहि के एह बिपति से लड़े के तइयारी करे.

अतवार का दिने कोरोना मरीजन के गिनिती 330 हो गइल. पिछला 24 घंटा में ई बढ़त सैकड़े 35 के आंकड़ा पारि करि लिहले रहुवे. देश के विपक्षी दल एहके मजाक में उड़ावे के सोचलन बाकिर जनता अपना नायक के साथ दिहलसि आ करीब करीब सौ फिसदी सफल बनवलसि ओह जनता कर्फ्यू के. हालांकि सफलता का उछाह में कुछएक जगहा लोग जुलूस ले निकाल दिहलसि. ओह लोग के लागल कि कवनो वर्ल्ड कप जीत लिहनी सँ.

हालांकि अतवार के कर्फ्यू के असर सोमारे से लउके लागल. सोमार का दिने कोराना मरीजन के गिनिती करीब 26 फीसदी बढ़ोतरी का साथे 415 हो गइल आ मंगल का दिने बढ़े के रफ्तार अउरी घटल आ करीब 20 फीसदी के बढ़त बनावत 499 हो गइल. आजु दुपहरिया ले ई गिनिती महज सैकड़े 8 ले रहि गइल आ 539 हो गइल. पिछलको अतवार का बाद बढ़त थथमल रहुवे जवन कि ग्राफ में देखल जा सकेला.

साफे लउकत बा कि कोरोना के पसार मद्धिम भइल बा. आ अब 21 दिन के लॉक डाउन कोरोना के काबू में ले आ दी एकर भरोसा करे में कवनो हरज ना होखे के चाहीं. गीध के सराप से डाँगर ना मरअ सँ. देश के विपक्षी नेतवन के सपना पूरा नइखे होखे जात. ओकनी के मनावत बाढ़न सँ कि कोरोना महामारी बनि जाव आ जनता अपना नेता के भगतई छोड़ि देव.

बाकिर गीध के सराप से डाँगर ना मरअ सँ.

Tags: , ,

Leave a Reply

More Stories From टटका खबर

%d bloggers like this: