Go to ...
RSS Feed

सांसद रवि किशन आपन एक महीना के तनखाह पीएम राहत कोष में दान कइलन


दुनिया का साथही भारतो चीन से आइल कोरोना वायरस के मार से जूझ रहल बा आ सभे अपना अपना बेंवत भा कूवत भर एह काम में मदद करे में लागल बा. गोरखपुर के भाजपा सांसद आ फिल्म अभिनेता रवि किशनो बतौर सांसद मिलेवाला आपन एक महीना के तनखाह प्रधानमंत्री राहत कोष में देबे के एलान कइले बाड़न. एहसे पहिले रवि किशन गोरखपुर ला जरूरी स्वास्थ्य उपकरण अउर दवाई खरीदे ला जिलाधिकारी के अपना सांसद निधि से 50 लाख रुपिया दिहले बाड़न.

जानेजोग बा कि भाजपा अध्यक्ष जे.पी.नड्डा सगरी सांसदन से एक महीना के सैलरी पीएम रिलिफ फंड में दान करे के निहोरा कइले बाड़न आ एही अपील के धेयान में राखत रवि किशन ई दान कइले बाड़न. उनुकर कहना बा कि सभे केहु रे चाहीं कि जतना हो सके एह काम में मदद करे.

अपना सांसद रवि किशन के एह काम से उनुका क्षेत्र के लोगो खुश बा. ओह लोग के कहना बा कि उनुकर सांसद जनसरोकार के मामिलन में कबो पीछे ना हटसु.

Tags: , , , ,

More Stories From मनोरंजन

%d bloggers like this: