उत्तराखंड के पुलिस महानिदेशक अनिल रतूड़ी कड़ाई से कहले रहलें कि तमात के मरकज में शामिल हो के लवटल लोग अपने से सोझा आ जाव ना त बाद में ओह लोग के मालूम हो जाई कि सरकार कइसे ओह लोग से निबटी. कहलन कि एह लोग पर जान मारे के कोशिश के मुकदमा कइल जाई आ कहीं जे केहू एह लोग का छूत से कोरोना से मरल त एह लोग पर हत्या के धारा लगावल जाई.
एह तरह के सख्ती आदेश का बाद आजु नाहियो त पाँच दर्जन तबिलागी पुलिस का सोझा हाजिर हो के बतवलें कि ऊ लोग मरकज में शामिल हो के लवटल बा.
बाकिर एह जमात के अमीर अमीर मौलाना साद अबहियो कवनो कोना में लुकाइल बा दिल्ली पुलिस से कहले बा कि ऊ कोराना के चलते सूतक में बा आ चौदह दिन का बादे बाहर आई.
सोझा आइल 64 तबिलागियन के होम क्वारंटाइन में डालल गइल बा आ पुलिस पूछताछ करत बिया ई लोग केकरा केकरा संपर्क में आइल बा एह बीचे.
