Go to ...
RSS Feed

कोरोना लॉकडाउन का बारे में केन्द्र सरकार के फैसला


केन्द्र सरकार का तरफ से इशारा दीहल गइल बा कि लगातार तीन दिन ले अगर कोरोना के नया मरीजन के गिनिती घटत जाई तबहिए लॉकडाउन हटावल जाई.
जान जाईं कि जस जस 14 अप्रेल नियरात जात बा तस तस लोग के बेचैनी बढ़ल जात बा. लोग जानल चाहत बा कि लॉकडाउन कहिया हटावल जाई. एही बीच कई गो राज्य सरकारन के कहना बा कि अबहीं ल़कडाउन हटवला से कोरोना के काबू करे में दिक्कत आ सकेला.
एह बीच आजु शोयर बाजार में बड़हन उछाल देखे के मिलल आ सेंसेक्स एक दिन में 2200 अंक चढ़ के बन्द भइल. लोग के लागत बा कि कोरोना के कहर अब मधिम पड़े लागल बा आ अब खरीददारी करे के समय आ गइल बा. अब को मौका छूटल त फेर अइसन मौका जल्दी नइखे मिले वाला.
अपना मोदी विरोध के आदत का चलते कुछ विघ्न संतोषी कवनो ना कवनो बहाने सुप्रीम कोर्ट में गोहार लगावत बाड़ें. बाकिर आजु सुप्रीम कोर्ट का तरफ से साफ कह दीहल गइल कि मौजूदा माहौल में सरकार के काम में कवनो तरह के दखल दीहल ठीक ना होखी आ कुछ दिन बाद जब हालात में कुछ सुधार होखी तबे सरकार से सवाल पूछल ठीक होखी.
अमेरिका के गोहार सुनके मानवता का नाम पर सरकार कुछ दवाईयन के निर्यात के इजाजत दे दिहलसि जवना के कोरोना का इलाज में इस्तेमाल कइल जाए वाला बा. ओने अमेरिका के अखबारन के कहना बा कि हिन्दुस्तान के कुछ कंपनियन में ट्रंप के हिस्सेदारी बा आ ओहनी के नाजायज फायदा चहुँपावे ला ट्रंप ई दवाई मँगावत बाड़ें.

Tags: , ,

More Stories From देश-दुनिया

%d bloggers like this: