Go to ...
RSS Feed

टटका खबर, बुध, वैशाख अँजोरिया प्रतिपदा, 2078 विक्रमी


जन अधिकार पार्टी के अध्यक्ष सांसद रह चुकल राजेश रंजन उर्फ पप्पू यादव के काल्हु मंगल का दिने पुलिस लॉकडाउन के नियम ना माने का आरोप में गिरफ्चार कर लिहलसि. एकर जानकारी ऊ खुद ट्वीट क के दिहलें. बाकिर पुलिस के कहना बा कि अबहीं उनुका के रोकल गइल बा गिरफ्तारी नइखे भइल. अब खबर आइल बा कि पप्पू यादव के मनसा पुरावे खातिर अपहरण के एगो पुरान मामिला में पप्पू यादव का खिलाफ मधेपुरा में निकलल वारंट ले के उनुका के गिरफ्तार करे खातिर मधेपुरा पुलिस पटना आइल बिया आ गिरफ्तारी खातिर कागजी कार्रवाई हो रहल बा. पप्पू यादव अब आरोप लगावत बाड़न कि सरकार के साजिश बा कि उऩुका के कोरोना पॉजिटीव बना के मार दीहल जाय. राजनीतिक बयानबाजिओ सरकार का खिलाफ शुरु हो गइल बा.

काल्हु मंगल का दिने जम्मू-कश्मीर के अनंतनाग जिला में सुरक्षा बल मुठभेड़ में लश्करे तैयबा के तीन गो आतंकवादियन के मार गिरवलें.

प्रयागराज पुलिस नवाबगंज इलका से तीन गो बदमाशन के एगो असलहा दुकान से लूटल असलहन का साथे गिरफ्तार कर लिहलसि.

रोहतास जिला के दरिहट बाजार के दूगो आदमी अंतिम संस्कार क के नदी में नहाए गइलें आ गहीर पानी में चल गइला से डूब गइलें.

सारण जिला के मशरक इलाका में इसुआपुर थाना के डटरा पुरसौली गांव के रहे वाला एगो चिकित्साकर्मी से हनुमानगंज गांव का लगे तीन गो मोटरसाइकिलन पर सवार छहगो बदमाश माटरसाइकिल आ मोबाइल छीन के फरार हो गइले सँ.

यूपी के महराजगंज जिला के करहिया का लगे हाईवे पर सोमार देर रात बरातियन से भरल कार सोझा से आवत ट्रक से टकरा गइल आ एह हादसा में पांच गो बरातियन के मौत ठाँवे पर हो गइल. तीन जने घवाहिलन के गोरखपुर अस्पाल भेजल गइल बा.

सारण जिला के बनियापुर इलाका के पैगंबरपुर गाँव का बगइचा में एगो फेंड़ पर लटकल लाश बरामद भइल, मरे वाला गाँवे के एगो नवही का रुप में भइल बा.

बस्ती जिला के पैकोलिया इलाका के इमलियाधीश गाँव के दू गो फरीकन का बीच भइल मारपीट में कई जने घवाहिल हो गइलें पुलिस दुनु फरीक के दू दर्जन लोग पर मुकदमा दर्ज कइले बिया.

रोहतास जिला के संझौली इलाका में सिकठी गाँव का लगे एगो सड़क हादसा में बाइक सवार चार लोग के मौत हो गइल. कवना गाड़ी से एह लोग के धक्का लागल एकर पता ना चल पावल.

देश के शेयर बाजार काल्हु बिकवाली के दबाव में गिरावट का साथे बंद भइल.सेंसेक्स 341 अंक आ निफ्टी 92 अंक गिर के बंद भइल.

Tags: , , , , , ,

More Stories From उत्तर प्रदेश

%d bloggers like this: