Go to ...
RSS Feed

भोजपुरी में खबर.

टटका खबर : बियफे, 6 अगस्त 2015 (छपरा-बलिया)

भोजपुरी के संविधान के 8वीं अनुसूची में शामिल करावे के मांग ले के आजु दिल्ली में भोजपुरी के अनेके संगठन एक दिन के धरना देत बाड़ें. एह लोग के कहना बा कि मोदी सरकार भोजपुरी के मान्यता देबे में कोताही करत बिया आ आपने दीहल चुनावी वादा भुला गइल बिया. बलिया जिला के बिल्थरारोड में

टटका खबर : बुध, 5 अगस्त 2015

नर्मदा बचाओ आंदोलन के एगो कार्यकर्ता के कहना बा कि समय से पहिले इंदिरा सागर बांध के अधिका भरइला का चलते पानी नर्मदा नदी के पानी लवट आइल आ माचक नदी के अफना दिहलसि जवना चलते काल्हु रात वाला दू गो ट्रेन हादसा भइल आ 28 आदमी मर गइलें. बात के घुमा फिरा के नरेन्द्र

टटका खबर : बुध, 5 अगस्त 2015 (बलिया-छपरा)

मध्य प्रदेश के हरदा में काल्हु रात माचक नदी पर बनल पुल पर दूगो रेलगाड़ी पटरी से उतर गइली सँ जवना से 27 जने के मौत हो गइल आ बहुते लोग घवाहिल हो गइल बा. मरे वालन के गिनिती बढ़े के अनेसा बा काहे कि बचाव के काम अबहीं चलत बा. एह रेलगाड़ियन में मुंबई

टटका खबर : मंगल, 4 अगस्त 2015

पोर्न के शौकीनन आ कांग्रेस के चालबाजी का सोझा दण्डवत क दिहलसि केन्द्र सरकार. एक त केन्द्रीय वित्त मंत्री अरुण जेटली से मोदी भक्त अतना खफा बाड़न कि जेटली के बढ़ा के जय इटली कर दिहलन. दोसरे भूमि अधिग्रहण बिल पर राबर्ट वाड्रा के सास सोनिया के पार्टी के जिद्द का आगे भाजपा हार मान

टटका खबर : मंगल, 4 अगस्त 2015 (छपरा-बलिया)

बहाली आदेश मिलला में होखत देरी से नाराज शिक्षक अभ्यर्थी सोमार का दिने छपरा म्यूनिसिपैलिटी चीौक के जाम क दिहलें आ जिला परिषद गेट का सोझा आग लगा के रास्ता पूरा तरह से बंद कर दिहलें. एह लोग के बहाली आदेश देबे खातिर 3 तारीख के बोलावल रहे बाकिर दीहल नइखे जात. बाद में एह

टटका खबर : सोमार, 3 अगस्त 2015

बहुते व्यस्त रहला का चलते आजु सबेरे टटका खबर ना दीहल जा सकल. रउरो सभे जानते बानी कि टटका खबर आ भोजपुरिका डाटकाम के वेबसाइटन के एक आदमी अकेले चलावेला. दुख के बात बा कि पचीस करोड़ भोजपुरी भाषी होखे के दावा होखला का बावजूद एह तरह के हालात बा कि दिन भर में पाँचो

टटका खबर : अतवार, 2 अगस्त 2015 (अबेर)

अझुराइल संसद के सरिहावे के कोशिश में पलीता लगावे का कोशिश में कांग्रेस अतवारे से लाग गइल. काल्हु सोमार का दिने पहिले सोनिया अपना गोल के बइठक क के आपन राय बतइहें जवना का बाद कांग्रेस तय करी कि सगरी गोल के बइठक में शामिल होखे कि ना. कांग्रेस अबहियों जिदियाइल बिया कि बिना इस्तीफा

टटका खबर : अतवार, 2 अगस्त 2015 (सबेर)

भाजपा सरकार में पद ना मिलला से कुछ लोग के पादे के आदत पड़ गइल बा आ गाहे बगाहे कुछ ना कुछ बोकरत रहेला लोग. आतंकी याकूब के खुलेआम पैरवी करे वाला बिहारी बाबू का बाद अब यूपी के वरुण बाबू सामने आइल बाड़न. वरुण के कहना बा कि अधिका फाँसी गरीबे आ मुसलमानन के

टटका खबर : शनिचर, 1 अगस्त 2015 (अबेर)

‘हिन्दू आतंकवाद’ कहला खातिर घेराइल कांग्रेस एह फन्दा से निकले खातिर छटपटाए लागल बिया. ओकर कहना बा कि भाजपा देश में फिरकावाराना पोलराइजेशन करावे खातिर एह बात के फेरू उठवले बिया. एक तरह से आपन गलती मानत कांग्रेसी राज में देश के गृहमंत्री रहल सुशील कुमार शिन्दे मान लिहलें कि एक बेर जयपुर का एगो

टटका खबर : शनिचर, 1 अगस्त 2015 (सबेर)

आपने बनावल नजीर से बड़हन नजीर बनावे के दबाव में आ गइल बिया भाजपा. चुनाव खातिर होखे वाला पीएम के सभा में मुजफ्फरपुरो से बेसी भीड़ जुटावे के दबाव बन गइल बा ओह लोग पर. भाजपा गोल के चाहना बा कि चारो कोना पर चारो रैली में भीड़ जुटावे कें कवनो कोताही मत होखो. सारण

टटका खबर : बियफे, 30 जुलाई 2015 (सबेर)

साल 1993 में मुम्‍बई शहर में बम विस्‍फोट करा के अढ़ाई सौ से बेसी लोग के जान लेबे वाला याकुब मेमन के फांसी चढ़वला से रोके खातिर सगरी कर्म आ कुकर्म करे वाला लोग सब जतन कर के थाक गइल. बीच अधरतिया सुप्रीम कोर्ट के दुआर ठकठका के रात बेरा सुप्रीम कोर्ट के खोले खातिर

टटका खबर : बुध, 29 जुलाई 2015 (अबेर)

मानवता आ देश के दुश्मन याकूब मेमन के फाँसी रोके खातिर दीहल याचिका आजु सुप्रीम कोर्ट खारिज कर दिहलसि. ओने महाराष्ट्र के राज्यपाल दुबारा मिलल दया याचिका खारिज कर दिहलन. अब रह गइल राष्ट्रपति का लगे फेरू भेजल दया याचिका जवना के खारिज करे के सलाह केन्द्र सरकार दे दिहले बिया. बाकिर राष्ट्रपति ओकरा बाद

टटका खबर : मंगल, 28 जुलाई 2015 (सबेर)

देश के राष्‍ट्रपति रहल डॉ एपीजे अब्‍दुल कलाम के निधन पर देश मेें सगरो शोक के लहर पसर गइल बा. राष्ट्रपति, उपराष्ट्रपति, प्रधानमंत्री, समेत खासमखास लोग आ आम जनतो आपन आपन शोक जतावे में लागल बा. एह शोक जताओ में कांग्रेसो के लोग शामिल बा जे कलाम के एह जोग ना मानल कि उनुका के

टटका खबर : अतवार, 26 जुलाई 2015 (उपरी बेरा)

तृणमूल कांग्रेस ना हेने रही ना होने. भूमि अधिग्रहण विधेयक से ऊ एकदम अलगा रहे के एलान कइले बिया. ओने बीजू जनता दल चाहत बावे कि कानून में सहमति प्रावधान आ सामाजिक प्रभाव विश्लेषण प्रावधान फेरू शामिल क लीहल जाव. अदालत से बरी हो गइला का बावजूद बीसीसीआई आईपीएल स्पॉट फिक्सिंग घोटाला का चलते तीन

टटका खबर : शनिचर, 25 जुलाई 2015 (अधरतिया)

देश के कानून व्यवस्था अइसन काहे बा आ कइसे एकरा के लूटे वाला सीना तान के चलेलें एकर नमूना आजु दिल्‍ली के एगो अदालत में देखे के मिल गइल जब दिल्ली पुलिस साबित ना करा पवलसि कि आईपीएल-छह में सट्टेबाजी करे वाला दोषी रहलें. नतीजा ई भइल कि अदालत से सगरी आरोपी बेदाग बरी हो

टटका खबर : शनिचर, 25 जुलाई 2015 (दुपहरिया)

आजु शनिचर का दिने बिहार चहुँपल पीएम मोदी बिहार खातिर सौगात के पिटारा लेके आइल बाड़न आ 76 हजार करोड़ के योजना के शुुरुआत करे वाला बाड़न. उनुका साथे सरकारी कार्यक्रम में बिहार के मुख्यमंत्री नीतीश कुमारो मौजूद रहीहें मंच पर. पीएम बनला का बाद पहिला बेर बिहार आइल नरेन्द्र मोदी आ बिहार के मुख्यमंत्री

टटका खबर : शुक, 24 जुलाई 2015 (अबेर)

संसद में आजु चउथको दिने विपक्ष के हंगामा का चलते कामकाज ठीक से ना हो पावल आ दुनू सदन के बाद में सोमार ले टार दीहल गइल. विपक्षी सदस्‍यन के प्रश्‍नकाल स्‍थगित करे के नोटिस लोकसभा अध्‍यक्ष सुमित्रा महाजन नामंजूर कर दिहले रही बाकिर हंगामा जारी रहल. अब कवनो बैंक से कवनो बैंक के खाता

टटका खबर : शुक, 24 जुलाई 2015 (सबेर)

आखिरकार छपरा जिला परिषद के उपाध्यक्ष राजेन्द्र राय के कुरसी छिनाइए गइल. बियफे का दिने चाक चौबन्द सुरक्षा व्यवस्था का बीच करावल चुनाव में उनुका खिलाफ 30 लोग वोट दीहल जबकि पक्ष में महज एके. 46 सदस्य वाला परिषद के 31 सदस्य हाजिर रहलें वोटिंग में. सारण जिला के जलालपुर इलाका के संवरी बाजार के

टटका खबर : बियफे, 23 जुलाई 2015 (अबेर)

विपक्ष के जिद्द आ सरकार के अपना रुख पर बनल रहला का चलते संसद में बियफहुं का दिने कवनो काम काज ना हो सकल. उनकर ई जिद्द बा कि सुषमा के इस्तीफा बिना संसद ना चले देब आ सरकार के कहना बा कि चाहे कुछ हो जाव सुषमा इस्तीफा ना दीहें. आखिर केहु के जिद्द

टटका खबर : बियफे, 23 जुलाई 2015 (सबेर)

सेबी का शिकायत पर शेयर बाजार में घोटाला क के अपना करिया धन के उजरा बनावे वाला लोग नाहियो त पाँच छह हजार करोड़ रुपिया के चोरी करे वालन पर आयकर विभाग के नजर पड़ गइल बा. सेबी अइसन 900 कंपनियन के प्रतिबन्धित कर दिहले बावे जवनन पर संदेह बा कि ई लोग करिया के

Older Posts›› ‹‹Newer Posts